時間許可的話,柯豬媽媽每日都會親手準備兩個女的三餐,但由於一打二時間有限,只能盡量簡化程序。想要營養滿分又不用煮太長時間,柯豬媽媽有以下兩個小tips:

1.「生米煮成熟飯」OUT,「大人飯」IN

有人喜歡用生米加水慢慢淆煮成BB粥或者BB飯,不過我嫌這樣太長時間了。反而直接用大人飯,即電飯煲煮的正常飯加水煮,一般10~15分鐘就食得,而且可以煲多點飯大人都食得!

2. 彩虹飲食法,盡量選用多種色彩的蔬菜

每餐可以選擇1~3款不同顏色的蔬菜水果入饌,味道豐富點,營養更全面。不要再餐餐瘦肉粥,菜心粥。。。BB 都會悶的~

以下柯豬媽開心 Share 九款BB食譜,適合8~12月大的小朋友。食材份量可依你的小朋友的食量自行改動,煮的時間和用水量亦請根據他/她所喜愛的食物質感而調校。

▼ 甘筍蘑菇雞胸肉碎軟飯

- 甘筍(小段) ,蘑菇(1朵) ,洗淨,切幼粒粒

- 雞胸肉(1~2湯匙份量) 飛水至剛熟,切絲再剁碎

- 小半碗電飯煲煮好的飯 (正常水米比例)

- 用不痴底的小煲,中細火,落幾滴植物油,甘筍蘑菇略炒2分鐘,加入飯 & 滾水 200ml,煮到收一半水加入雞肉。轉細火,煮至收剩1成水,完成。

▼ 三文魚娃娃菜豆腐軟飯

- 三文魚 (可用魚生片,1~2片),  洗淨,印乾

- 娃娃菜,3, 4片,切條再切細粒

- 嫩豆腐,1~2湯匙,壓蓉

- 小半碗電飯煲煮好的飯 (正常水米比例)

- 用不痴底的小煲,中細火,落幾滴植物油,三文魚略煎,每面1分鐘,盛起壓散魚肉。同一個煲加入飯,娃娃菜 & 滾水 200ml,  煮到收一半水加入魚肉。轉細火,煮至收剩1成水,完成。

▼ 蘆筍紫薯牛油果軟飯

- 紫薯(小半個)  削皮,切細粒

- 蘆筍1條,削皮,切細粒

- 牛油果(半個),  起肉,略為壓散

- 小半碗電飯煲煮好的飯 (正常水米比例)

- 用不痴底的小煲,中火,落300ml水,煲滾。落紫薯&飯,轉小火,煮10分鐘。倒入蘆筍煮到收剩1成水份,熄火,牛油果放面,完成。

▼ 蕃薯麥片+原味yorgurt

- 蕃薯 半顆

- 快熟麥皮 3大茶匙

- 原味無添加糖的yogurt 適量

- 準備小半煲水(around 300-400ml) ,煲滾後放入已切粒粒的蕃薯,到半熟時倒入麥皮一齊煮到淋,盛起,略為攤凍,可配合yogurt一齊食。

▼ 橙紅椒波菜蕃茄肉碎+baby pasta

- 迷你紅色,橙色bell pepper或其他顏色都可以,各半個,去籽,切粒粒

- 蕃茄,半個,去籽,切粒粒

- 波菜,只用菜莖,幾條,切粒粒

- 瘦肉,麻雀size,烚熟,切碎

- Baby pasta 2~3湯匙(e.g. 無鈉/低鈉的星星粉)

- 適量清水

燒熱鍋,加少少植物油,炒香蕃茄粒及椒粒,加入baby pasta & 清水至蓋得到一切材料,蓋鍋+轉小火煮6-8分鐘。趁pasta未全部淋晒嘅時間,倒入波菜粒及肉碎,煮到差不多收好水份,和pasta夠淋就可以了。

▼ 南瓜蘆筍肉碎軟飯

- 南瓜,一細舊,削皮,切粒粒

- 蘆筍1條,削皮,切粒粒

- 瘦肉,麻雀size,烚熟,切碎

- 小半碗電飯煲煮好的飯 (正常水米比例)

- 適量清水

用不痴底的小煲,中火,落300~400ml水煲滾,落南瓜粒煮3分鐘,加入飯,煮5分鐘。之後加蘆筍,肉碎和煮到收剩1成水份,熄火,完成。

▼ 蕃茄芝士肉碎軟飯

- 蕃茄,半個,去籽,切粒粒

- Ricotta cheese/cottage cheese 1茶匙 (軟芝士,較硬芝士含低一點的sodium, 適合BB食用)

- 瘦肉,麻雀size,烚熟,切碎

- 小半碗電飯煲煮好的飯 (正常水米比例)

- 適量清水

燒熱鍋,加少少植物油,炒香蕃茄粒。加清水300ml,滾起後加飯,煮8分鐘。待到收剩2,3成水份,加入肉碎&芝士拌勻循,繼續煮到收汁,完成。

▼ 木瓜蜜豆銀魚仔軟飯

- 熟木瓜,一細舊,去籽削皮,切粒粒

- 蜜豆,剝走邊邊的粗纖維,切粒粒

- 銀魚仔,浸水至軟身,沖水洗淨,切碎

- 小半碗電飯煲煮好的飯 (正常水米比例)

- 適量清水

煲滾400ml水,加入木瓜同埋飯煮5~8分鐘,之後加蜜豆及銀魚仔,繼續煮多5分鐘,直到水份收剩1成(不太乾不太濕),完成。

▼ 紅椒菜心牛肉軟飯

- 紅色迷你bell pepper半個,去籽,切粒粒

- 鮮牛肉,麻雀size, 烚熟,切碎

- 菜心莖,三條,去皮,切粒粒

- 小半碗電飯煲煮好的飯 (正常水米比例)

- 適量清水

燒熱鍋,加少少植物油,炒香紅椒粒,加300~400ml水。水滾後加飯煮5~8分鐘,最後5分鐘倒入菜心粒及牛肉碎和煮至收剩1成水,不太乾不太濕,完成!

為幼兒加固是漫長的挑戰,柯豬媽開心share為柯豬準備的餐點和食譜,希望為苦惱的爸媽們加加油!想知道更多食譜,可以看【All about baby Audrey and Sherie 柯豬姐與些莉妹】Facebook喔!

Photo: All about baby Audrey and Sherie 柯豬姐與些莉妹
Cover Photo: All about baby Audrey and Sherie 柯豬姐與些莉妹